"A ferida na lingua vai ser difícil de curar"
As celebracións do Ano Cunqueiro, o 50º aniversario da edición en Bos Aires de Memorias dun neno labrego e o pasamento de Francisco Fernández del Riego. Son os destaques do director de Galaxia, cada vez máis partidario de "celebrar os nacementos, non as despedidas".
Ao autor recente de Cabalo de ouros preocúpalle que "todo o que levamos andado nos últimos 30 anos, non sen atrancos, pero con esperanza, fique estragado na guerra partidaria ou na demagoxia da política fácil, case sempre a curto prazo". Antes da ladaíña da crise, a da imposición del gallego. "O PP e os seus aliados utilizaron a cuestión da lingua para abrir un conflito que, no caso de existir, existía moi localizadamente en segmentos da población que non significaban nada. A ferida vai ser difícil de curar. E a oposición tampouco fixo a reflexión necesaria sobre a política lingüística, que cómpre abordar dende criterios racionais, non só emocionais".