"O que está en crise é a política cultural do PP"

Profesor, ensaísta e membro de Estaleiro Editora, onde publicou fragmentos da súa tese so o título A revoluçao pendente, que se pode descargar de balde, Carlos Diegues destaca, para empezar, unha "acción nefasta". "A inauguración da Cidade da Cultura, ese monumento á nada".

Razóns para o optimismo atópaas lonxe dalí. "En abril chegou o número 100 de Novas da Galiza, xornal escrito totalmente en galego, sen axudas e totalmente independente. Molesto, por tanto". Cita tamén en positivo Violentos anos dez, o último álbum de Ataque Escampe, "probablemente o mellor grupo actual, sen local porque o Goberno Feijóo o deixou sen el". Fronte á política cultural "baleira ou inexistente, existen abondosas manifestacións do dinamismo da nosa mocidade para crear e relacionarse co mundo en galego (-portugués)". "Unha cultura subalterna viva aínda en tempos de crise". O que está en crise, di, "non é a nosa cultura, senón as políticas culturais do PP".